Maton, egna pintga vischnànca da muntogna agl Grischùn

La vischnànca satgata sen egna terassa sulegliva sen 1520 m.s.m. La vesta sur l’antiera Val Schons e faszinànta. Igl vaschinadi soda tier igl district digl Ragn posteriur agl cantùn Grischùn. Maton e igl zenter geografic a cultural da la Muntogna da Schons sura cun las vischnàncas Lon – Maton – Vargistagn.

Maton a la Muntogna da Schons

Cun la construcziùn da stradùns sur igl pass da Spleia a sur igl Sontg Bernardegn (1818-1823) â’gl do egn svilup temporan da trafi parsunal a da roba. Da que svilup ân profito ear las vischnàncas da la Muntogna da Schons. Spleia ad Andeer en davantos igls amprems liacs turistics moderns. An consequenza da la construcziùn da l’amprema veiafier da muntogna anturn 1880 va que svilup dantànt puspe a fegn.

Suainter 1950 marceschan las ovras electricas, las veias novas ad oravànttut igl tunel antras igl Sontg Bernardegn (1967) igl aspect da la cuntrada a la situaziùn economica an tut las tres vals. Igl turissem davainta – sper l’agricultura a la mastregnànza – adegna ple impurtànt.