Da tgea a Maton

A Maton vivan oz 57 avdànts, da quels ân 19 ple poc ca 20 ons. Igls blears lavuran sen egn da quels otg bagns purils an vischnànca. Egna scola aitgna â Maton betga ple, que bietg vean oz nizagieu polivalentameing a stat ear a disposiziùn sco quartier par grupas. Igl turissem e mo egn pintg factur economic, tutegna vignan mintg’on dumbro 5'000 pernotaziùns (an amprema lengia en quegl pernotaziùns an avdànzas da vacànzas privatas).

Exposiziùn da tratga da biestga a Maton, 2003 (Fotografeia Daniel Camenisch, Maton)

Cugl manaschi da scola en ear igl inspecturat da muvel, igl cumissariat districtual ad igl ufezi da stadi zivil svanieus. Rastadas en la posta a la stizùn da vivàndas. Egn’ustreia nova a bietg polivalent – la «tgea muntsulej» –vean inaugurada igl dezember 2004. Ascheia survean ear la veta digl vitg activa egn liac d’antupada.